देशमा राम्रा मानिस ठाम्मा पुगून् र तिनले काइदाको काम गरुन् । सबैको ईच्छा यस्तै हुन्छ । तर राम्राको ठाऊँ हाम्राले लिए अनि देश खाडलमा जाकियो । आजको हिमालमा डा. गोविन्द केसीका बारेमा पढियो । एक्लैले राम्रो अडान लिँदा पनि फरक त पर्दो रहेछ । उनका कामलाई सलाम । अनि सुधार गरी छाड्ने उनको प्रतिबद्धतालाई साधुवाद ।डा. गोविन्द केसी ब्यक्तिगत स्वार्थबाट मुक्त रहेर सार्वजनिक हितमा क्रियाशिल नाम हो । टिचिङ्ग हस्पिटलमा राजनीतिक नियुक्तीका बिरुद्ध अनुभव, योग्यता, कार्यक्षमता, बरिष्ठता र भिजनका आधारमा छनोट हुनुपर्ने दृढताका साथ उभिएका यिनका बारेमा हिमाल पत्रिकाको नयाँ अङ्कमा पढ्न पाइन्छ ।